Երևանի քաղաքապետ Կարեն Կարապետյանը հանդիպել է ՀՀ-ում Լեհաստանի արտակարգ և լիազոր դեսպան Զդիսլավ Ռաչինսկիի հետ:
Հանդիպման ժամանակ կողմերը մտքեր են փոխանակել
Լեհաստանի նախագահի Հայաստան այցի հետ կապված մայրաքաղաքում հասցեագրված մի շարք միջոցառումների կազմակերպման վերաբերյալ:
Խոսելով քաղաքապետարանի կողմից ներկայում իրականացվող ծրագրերի շուրջ և ներկայացնելով գործարար հետաքրքրություն ներկայացնող ոլորտների շրջանակը՝ Կարեն Կարապետյանը նշել է, որ Երևանն այսօր իրականում բաց է քաղաքային տնտեսության կառավարման ոլորտներում փոխշահավետ համագործակցության համար և իր շահագրգռվածությունն է հայտնել, որ լեհական ընկերությունները ևս մասնակցեն մայրաքաղաքի տնտեսության մեջ իրականացվող զարգացման և ներդրումային ծրագրերին:
Կարևորելով հայկական կողմի պատրաստակամությունն ու որդեգրած քաղաքականությունը, ինչպես նաև Երևանի և Վարշավայի միջև ձևավորված ջերմ հարաբերությունները, դեսպանը հույս է հայտնել, որ այսուհետ էլ ավելի կսերտանան և գործնական ընթացք կստանան երկկողմ հարաբերությունները Երևանի և Լեհաստանի քաղաքների միջև: