Ֆիլիպ Անդրե Ռուրկը, ով ամբողջ աշխարհին ծանոթ է որպես Միկի Ռուրկ, սեպտեմբերի 16-ին նշում է իր 61 ամյակը: Գրեթե երեք տասնամյակ առաջ նկարահանվելով «9 ½ շաբաթ» ֆիլմում՝ նա իր ամբողջ կյանքի համար ապահովել է սեքս-խորհրդանիշի կարգավիճակը, իսկ «փլեյբոյի» անունը վաստակել է բուռն սիրավեպերի շնորհիվ: Հիշենք դրանցից մի քանիսը:
1. Միկին երկու անգամ ամուսնացած է եղել: Նրա առաջին կինը դերասանուհի Դեբրա Ֆոյերն է, ում հետ նա 8 տարի է ապրել:
2. Դերասանուհի և նախկին մոդել Թերի Ֆարելին 80-ականներին հաճախ էին նկատում Միկի Ռուրկի հետ:
3. Կառե Օրտիսի հետ Ռուրկը նկարահանվել է «Վայրի խոլորձ» ֆիլմում, իսկ ֆիլմի թողարկումից մի քանի տարի անց նրանք ամուսնացել են: Սակայն դրանից ևս երկու տարի անց դերասանին ձերբակալել են կնոջ հետ կոպիտ վարվելու համար: Օրտիսը Միկիի հետ ամուսնական կյանքի վեց տարիների ընթացքում նկարահանվել է Pirelli օրացույցի, Playboy և Sport Illustrated ամսագրերի համար:
4. 2005 թ. դերասանը հաճախ էր հասարակության մեջ երևում ուկրաինացի մոդել Սաշա Վոլկովայի հետ:
5. 2009 թ. տաբլոիդները գրում էին Միկիի և ռուս մոդել Ելենա Կուլեցկայայի միջև սիրավեպի մասին: Զույգին նկատել էին գիշերային ակումբներում, նրանք նույնիսկ միասին հայտնվել էին կարմիր գորգի վրա: Ասում էին, որ դերասանը սիրահարվել է մոդելին, այնուհետև Կուլեցկայան հարցազրույցներից մեկում պատմել էր, որ մերժել է Միկիին:
6. Կուլեցկայայից բաժանվելուց հետո Ռուրկը հանդիպում էր մեկ այլ ռուս մոդելի՝ Նաստյա Մակարենկոյի հետ: Նրանք ծանոթացել են ֆոտոշարքի ժամանակ: Եթե հավատանք ԶԼՄ-ներին, Նաստյան և Միկին մինչև այժմ միասին են և գաղտնի ապրում են Ռիգայում:
