Վրաստանը դեկտեմբերի 1-2-ը Աստանայում կայանալիք ԵԱՀԿ գագաթնաժողովում կարող Է առաջադրել Աբխազիայում և Հարավային Օսիայում ՌԴ-ի ռազմական ներկայության հարցը,- Մոսկվայում կայացած մամուլի ասուլիսում ասել Է կազմակերպության գլխավոր քարտուղար Մարկ Պերրեն դե Բրիշամբոն: «Ակներև է, որ Աբխազիայում և Հարավային Օսիայում ռուսաստանյան ներկայության ընդլայնումը շատ սուր հարց է և կառաջադրվի գագաթնաժողովում, մասնավորապես Վրաստանի՝ ԵԱՀԿ-ի լիարժեք անդամի կողմից»,- ասել է նա: Գլխավոր քարտուղարը հավելել Է, որ «արդեն այժմ Վրաստանն ակտիվորեն արծարծում է այդ հարցը»: Դրա հետ մեկտեղ Բրիշամբոն ասել է, թե «այդ բնագավառում որևէ բեկում» չի ակնկալում,- փոխանցում է Грузия Online-ը: