Փորձագետների հաշվարկներով՝ մարիխուանայի օրինականացումը Մեծ Բրիտանիային կարող է բերել տարեկան մոտ 1.25 միլիարդ ֆունտի եկամուտ: Բանտում գտնվող թմրավաճառներին պահելու ծախսերը կրճատելու շնորհիվ բրիտանացիները միայն մեկ տարում կստանան 300 մլն ֆունտ բոնուս: Այս մասին գրում է The Guardian-ը:
Էսսեի համալսարանի տնտեսագիտության պրոֆեսոր Սթիվեն Փադնին վստահ է, որ այս թույլ թմրանյութի օրինականացումից և իրացումից կարելի է օգուտներ ստանալ: Նա, սակայն, նշում է, որ իր նպատակը թմրանյութի օրինականացման քարոզը չէ: Փադնին և նրա գործընկերները պարզապես ցանկացել են հաշվարկել բոլոր գործոնները, որոնք կարող են առաջանալ մարիխուանայի՝ ստվերից դուրս բերելու դեպքում:
«Դրա արդյունքում կընդլայնվի մարիխուանայի արտադրությունը, և այն ավելի հասանելի կդառնա: Որպես հետևանք՝ գինն էլ զգալիորեն կիջնի»,- նշվում է հետազոտության մեջ:
