Առնվազն 167 մարդ է մահացել շոգից հնդկական Թելանգանա նահանգում՝ սկսած ապրիլի 1-ից։ Այս մասին հայտնում է Deccan Chronicle պարբերականը։
Վերջին մի քանի օրերին նահանգում ջերմաչափի սնդիկի սյունը չի իջնում 40 աստիճան Ցելսիուսից։ Նահանգի որոշ հատվածներում ջերմաստիճանը հասնում է 47 աստիճանի։ Ծայրաստիճան շոգը նահանգում կպահպանվի ևս մի քանի օր։
2016 թվականին մոտ 700 մարդ է մահացել շոգից, որը հաստատվում է Հնդկաստանում մարտ-մայիս ամիսներին։ 2015 թվականին գրանցվել է մահվան ավելի քան 2300 դեպք։
Հնդկաստանի Օդերևութաբանական դեպարտամենտն իր մարտյան զեկույցում 2016 թվականը ճանաչել էր երկրի համար ամենաշոգը օդերևութաբանական դիտարկումների ողջ պատմության ընթացքում, որը կատարվում է կանոնավոր կերպով 1901 թվականիից։
