«Ելք» խմբակցության պատգամավոր Արամ Սարգսյանն ԱԺ այսօրվա նիստում դիմելով ՀՀ ԱԺ Պաշտպանության և անվտանգության հարցերի մշտական հանձնաժողովի նախագահի թեկնածու Կորյուն Նահապետյանին՝ նշեց, որ այստեղ են ոչ թե հակադրվելու, այլ աշխատելու համար. «Ինձ համար ողջունելի է, պարոն Նահապետյան, որ դուք ձեր ելույթում անդրադարձաք այլընտրանքային անվտանգության համակարգերի հետ համագործակցությանը, մասնավորապես ՆԱՏՕ-ի հետ: Ես իմ պատրաստակամություն եմ հայտնում այդ շրջանակներում համագործակցել ձեր հանձնաժողովի հետ: Արդյոք ձեր հանձնաժողովների աշխատանքներին հրավիրվե՞լ են համապատասխան գերատեսչությունների ղեկավարներ»:
«Դուք խոսեցիք ձեռքբերումների մասին, ուզում եմ իմանալ՝ արդյո՞ք մինչեւ ապրիլյան դեպքերը ներկայացրե՞լ եք զեկույցներ դիրքերի ինժեներական կառուցվածքի կամ դրանց դիտարկման արդի, ժամանակակից սարքավորումներ ունենալու մասին»,- հարցրեց Ա. Սարգսյանը:
Ի պատասխան՝ Կորյուն Նահապետյանն ասաց, որ հանձնաժողովի հնգամյա հաշվետվության մեջ մեր ձեռքբերումները մանրամասն շարադրված են. «Ինչ վերաբերում է դիրքերի պաշտպանողականությանը, ապա ձեր խմբակցությունում կան մարդիկ, որոնք մեզ հետ միասին այցելել են դիրքեր ու տեղում դիտարկումներ անել»:
Մանրամասները՝ տեսանյութում:
