Նոր մանրամասներ են հայտնի դառնում ԱԺ գործերի կառավարչի և ԱԺ նախագահի հակասությունների մասին:
«Հրապարակ» օրաթերթը գրում է, որ ըստ այդմ՝ բուն կոնֆլիկտը եղել է ԱԺ աշխատակազմի ղեկավար, առողջապահության նախարար Դումանյանի որդու՝ Գուրգեն Դումանյանի, և ընկեր Համիկի միջև, որն ինչ- ինչ քայլեր է կատարել՝ առանց տեղեկացնելու: Կրտսեր Դումանյանը կանչել է վերջինիս ու ասել՝ դիմում գրի-գնա: Դիմումը գրվել է, սական չի «գնացվել», որովհետև գործին խառնվել է այդ օրերին Գերմանիայում գտնվող ԱԺ նախագահ Հովիկ Աբրահամյանը:
Վերջինս հորը՝ Արգամ Աբրահամյանին տարել էր բուժման: «Բազարն» ավարտվել է նրանով, որ ընկեր Համիկը, որը նաև հաճախ ծիրան-ծիրան՝ խումհարի մեջ է լինում, Արգամիչի սիրասուն ձեռքով ինդուլգենցիա է ստացել և հիմա, ինչպես տեղեկացնում են խորհրդարանական թերթի աղբյուրները, կրկին «չաղ-ուրախ-բախտավոր»՝ շարունակում է տնտեսական խորը «բարեփոխումներ» խորհրդարանում՝ իր խոստմանը համաձայն, առանց մի գրամ «լվացքի»:
