Անկարայի գլխավոր դատախազությունը սկսել է հետաքննություն նախկին նախագահ Թուրգութ Օզալի սպանության գործում նրա կնոջ մասնակցության հարցով, հաղորդում է CNN Turk-ը:
Ավելի վաղ մեղադրվող կողմի (Լևենտ Էրսեզ) վկան մեղադրանք էր ներկայացրել Սեմրա Օզալի դեմ այն կապակցությամբ, որ նա իբրև թե մասնակից է ամուսնուն թունավորելու գործում: Եթե դատախազությունը ընդունի այդ մեղադրանքը, նրա դեմ քրեական գործ կհարուցվի:
Միևնույն ժամանակ, նախկին գեներալ Լևենտ Էրսեզի դեմ դատավարությունը, որը մեղադրվում է նախկին նախագահի սպանությունը կազմակերպելու համար, տեղափոխվել է դեկտեմբերի 9-ին: Էրսեզն արդեն դատապարտվել է 22 տարի և 6 ամսվա ազատազրկման «Էրգենեկոնի» գործով:
1993թ. տարօրինակ հանգամանքներում մահացած Թուրգութ Օզալի մահվան պատճառների հետաքննությունը վերսկսվեց այն մասին շշուկների կապակցությամբ, որ նախագահին թունավորել են: Ըստ պաշտոնական վարկածի՝ նա մահացել է սրտային անբավարարությունից:
