Վրաստանը ցանկանում է մուտք գործել մարդու իրավունքների հարցերով ՄԱԿ-ի խորհուրդ: Ինչպես հայտնել են Վրաստանի ԱԳՆ-ում, այդ ցանկությունը հայտնել է երկրի արտգործնախարար Մայա Փանջիկիձեն Ժնևում Մարդու իրավունքների հարցերով ՄԱԿ-ի խորհրդի 24-րդ նստաշրջանի ընթացքում: Այս մասին հայտնում է Trend գործակալությունը:
Նա նստաշրջանի մասնակիցներին ծանոթացրել է բարեփոխումների հետ, որոնք Վրաստանն իրականացրել էր մարդու իրավունքների պաշտպանության ոլորտում:
«Վրաստանի կառավարության շոշափելի ջանքերը, որոնք ուղղված են ժողովրդավարության, օրենքի գերակայության հաստատմանն ու մարդու քաղաքական, տնտեսական, սոցիալական և մշակութային իրավունքների պաշտպանությանը, ինչպես նաև մարդու իրավունքների հարցերով խորհրդի կազմում համագործակցության ուղով այլ պետությունների հետ մեր փորձի փոխանակում իրականացնելու պատրաստակամությունը ինձ հիմք են տալիս ներկայացնելու Վրաստանի անդամակցության թեկնածությունը մարդու իրավունքների խորհրդում 2016-2018 թվականներին»,- հայտարարել է վարչապետը: