Ֆրանսիական երգիծական Charlie Hebdo շաբաթաթերթի նկարիչները Ֆրանսիայում նախագահական ընտրությունների երկրորդ փուլի կապակցությամբ նոր ծաղրանկար են ներկայացրել, հայտնում է RIA Novosti-ն: Այնտեղ նախագահի թեկնածուները պատկերված են շների տեսքով` պուդելի և բուլդոգի:
«Մակրոնը Ելիսեյան պալատում…» վերնագրով նկարում «Առաջ» շարժման առաջնորդ, երկրի էկոնոմիկայի նախկին նախարար Էմանուել Մակրոնը պատկերված է ինքնագոհ պուդելի տեսքով և առուծի սանրվածքով:
Նրա կողքին փոքրիկ և տխուր անգլիական բուլդոգն է, որը նման է երկրորդ թեկնածուին` «Ազգային ճակատ» կուսակցության առաջնորդ Մարին Լե Պենին:
«Մարին, տե՛ղդ»,- ասում է պուդելը: Բուլդոգը զարմացած պատասխանում է «հա՛ֆ»:
