Պատերազմի ժամանակ ամենավախկոտ տղամարդն իսկ առյուծ էր կտրում, երբ տեսնում էր, որ իր կողքին, զենքը ձեռքին՝ կին է մարտնչում: Այս մասին այսօր՝ մայիսի 6-ին, լրագրողների հետ հանդիպման ժամանակ ասաց գնդապետ Աիդա Սերոբյանը:
Հիշելով Շուշիի ազատագրումը՝ Աիդա Սերոբյանը նշեց. «Մենք չէին պատկերացնում, որ կարող ենք Շուշին գրավել, յուրաքանչյուրդ գիտեք, թե ինչ անառիկ բարձունքի վրա է գտնվում Շուշին: Արկադի Իվանիչը, հրամանատարության հետ, 2-3 անգամ հետաձգեցին Շուշիի ազատագրումը, անընդհատ մտածում էին, որ զոհեր շատ կլինեն: Մեր փոքրաթիվ զորքը բաժանվեց 4 խմբի, և Շուշին ազատագրվեց 26 ժամվա ընթացքում»:
«Մենք ցնծության մեջ էինք, ամենաշատն ուրախացանք, երբ Շուշիի եկեղեցուց սկսեցինք դուրս բերել ահռելի քանակի զինամթերք», – նշեց գնդապետ Աիդա Սերոբյանը՝ հավելելով, որ Ադրբեջանցիները մտածել էին, որ հայերը երբեք չեն ռմբակոծի եկեղեցին, դրա համար ամբողջ զինամթերքն այնտեղ էին պահել:
Մանրամասները՝ տեսանյութում:
