Վրացական GHN լրատվական գործակալության փոխանցմամբ, Վրաստանի փոխարտգործնախարար Նինո Կալանդաձեն հայտարարել է, որ միջազգային կառույցները որևէ կասկած չունեն ընդդիմության ցույցի ցրման որոշման օրինական լինելու կապակցությամբ.
«Միջազգային կառույցների մեծ մասի գնահատականն այն է, որ նրանք կասկածի տակ չեն առել ցույցի ցրման օրինականությունը։ Դրա համար էլ այն բացասականորեն չի ազդի Վրաստանի միջազգային իմիջի վրա։
Այդ կառույցների մեծ մասը նշել է, որ պետք է հետաքննվեն ցույցի ցրման ժամանակ ցուցարարների կամ իրավապահ մարմինների կողմից տեղ գտած իրավախախտման դեպքերը»։
Հիշեցնենք, որ ԱՄՆ-ը Վրաստանից պահանջել է հետաքննել ցույցը ցրելիս մարդկանց զոհվելու հանգամանքները։
