Աշխարհի ո՞ր երկրներում են խմում բոլորից շատ, որտե՞ղ են ամենաշատ թվով ալարկոտները, ո՞վ է ամենագերը, ո՞վ է ամենից շատ նախընտրում խանութներ այցելել: Այս բոլոր հարցերին պատասխանում է Foreign Policy-ի կազմած վարկանիշային աղյուսակը:
Տնտեսական համագործակցության ու զարգացման կազմակերպության տվյալներով՝ ամենաքիչը աշխատում են հոլանդացիները՝ 1 աշխատողի հաշվով՝ 1381 ժամ, իսկ ամենից շատ՝ մեքսիկացիները (2226 ժամ):
Մինչ այդ, ուտելու ու քնելու վրա ամենաշատ ժամանակ ծախսում են ֆրանսիացիները՝ նրանք ամեն գիշեր քնի վրա ծախսում են 1 ժամ ավելի, քան Հարավային Կորեայի բնակիչները, որոնք բոլորից քիչ են քնում:
Հիմա սնափառության մասին՝ աշխարհի ոչ մի այլ երկրում, այդքան շատ բոտեքսի ներկարկումներ չեն արվում, ԱՄՆ-ից բացի. 2011թ. այնտեղ արվել է 3,1 մլն միջամտություն, ինչը համաշխարհային ցուցանիշի 21 տոկոսն է:
Հարավային կորեացիները բոլորից շատ են խմում թունդ ալկոհոլային խմիչքներ (տարեկան մոտ 24 լիտր բնակչության 1 անձի հաշվով), ամենից շատ գարեջուր խմում են Կուկի կղզում (182 լ 1 բնակչի հաշվով), բոլորից շատ գինի են խմում Ֆրանսիայում (տարեկան 55 լիտր՝ 1 մարդու հաշվով):
Այն մասին, թե որքան հաճախ են մարդիկ սեքսով զբաղվում, կարող է վկայել օրինակ, պահպանակների գնումը: Ամերիկացիները գնում են տարեկան 43 մլն դոլարի պահպանակ:
Մոլեխաղերի վրա ավելի շատ գումար են ծախսում Ավստրալիան ու Սինգապուրը՝ 1288 դոլար ու 1174 դոլար համապատասխանաբար՝ 1 բնակչի հաշվով:
Իտալացիները, նորզելանդացիները, ամերիկացիներն ու նիգերիացիները բոլորից ավելի շատ են օգտագործում մարիխուանա՝ մեծահասակների մոտ 14%-ը:
Աշխարհի ամենագեր մարդիկ ապրում են Սամոայում, որտեղ բնակչության երեք քառորդը տառապում է ավելորդ քաշից: Սակայն ամենաշատ կալորիաներ օգտագործում են ավստրիացիները (օրական 3800):
Ճապոնացիները բոլորից շատ են ծախսում զվարճանքների վրա՝ տարեկան մոտ 339 մլրդ դոլար՝ զիջելով այդ ցուցանիշով միայն ԱՄՆ-ին:
Չինաստանը, հակառակը, բոլորից շատ է կուտակում՝ հետ գցելով իր ՀՆԱ-ի կեսից ավելին:
