Չհասցրեց լռել Վենետիկի կինոփառատոնի բարձրացրած աղմուկը, երբ դրան հաջորդեց Տորոնտոյի կինոփառատոնը:
Այս օրերին Կանադայում են մեծ թվով համաշխարհային կինոդեմքեր, իսկ երեկ երեկոյան՝ նաև երկրպագուները առիթ ունեցան կարմիր գորգի վրա տեսնել դերասանուհի Ջուլյա Ռոբերթսին:
Դերասանուհին Տորոնտոյում ներկայացրել է իր նոր ֆիլմը՝ «Օգոստոս. Օսեյջ դքսությունը»: Հազիվ էր նա հայտնվել կարմիր գորգին, երբ երկրպագուները հիացմունքով ողջունեցին նրան:
Դերասանուհին հագել էր կարճ զգեստ՝ ցուցադրելով իր գեղեցիկ, 110 սմ-անոց ոտքերը. այն հանդիսատեսին ծանոթ էր դեռ «Սիրունիկը» ֆիլմից: Ռոբերթսը հագել էր մուգ կարմիր, ժանեկապատ զգեստ, ինչը համադրվում էր նրա մուգ շագանակագույն վարսերի ու մարմնագույն կոշիկների հետ:
45-ամյա դերասանուհին ներկայում այնքան էլ հաճախ չի ցուցադրում ոտքերը՝ նախընտրելով հագնել տաբատներ կամ երկար կիսաշրջազգեստներ:
Նա, ինչպես նախկինում, համարվում է Հոլիվուդի ամենագեղեցիկ ու բարձր վարձատրվող դերասանուհիներից մեկը:
