Կատալոնական «Բարսելոնա»-ի պաշտպան Խերարդ Պիկեն դրական է գնահատում թիմի գլխավոր մարզիչ Խերարդո Մարտինոյի կատարած աշխատանքը:
«Գվարդիոլան ու Վիլանովան մարզիչներ էին, որոնք քաջածանոթ էին ակումբի խոհանոցին: Վերջին ժամանակներս «Բարսելոնա»-ի ֆուտբոլիստները դարձել են «տիկի-տակա»-ի ստուրկներ:
Հիմա եկել է Խերարդո Մարտինոն՝ մարզիչ, ով ակումբի «ներսից» չէ: Նրա ծրագրերը նման են Վիլավայի ու Գվարդիոլայի խաղային ծրագրերին, բայց, այդուհանդերձ, մեր խաղն ավելի բազմազան է դարձել:
Դա ավելի նկատելի է այն պարագայում, երբ խաղում ենք մրցակցի հետ, որը քաջածանոթ է մեր խաղին և փակ խաղ է ցուցադրում»,- հայտարարել է Պիկեն:
