ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվայի ու Վաշինգտոնի հարաբերություններն իսկապես ցածր մակարդակի վրա են, սակայն կոչ է արել ԱՄՆ նախագահ Դոնալդ Թրամփին տալ դրանց բարելավման հնարավորություն։
«Այո, ես համաձայն եմ, միանգամայն ցածր մակարդակ։ Մենք այնքան շատ հայտարարություններ ենք արել այդ մասին, և մենք պետք է ինչ-որ կերպ բարելավենք մեր հարաբերությունները՝ ի շահ մեր ժողովուրդների, ի շահ բիզնեսի, տնտեսության, քաղաքականության»,-ասել է Զախարովան Yahoo Global News-ի հետ հարցազրույցում՝ մեկնաբանելով ԱՄՆ պետքարտուղար Ռեքս Թիլերսոնի խոսքերն այն մասին, որ երկու երկրների հարաբերությունները գտնվում են «ամենացածր մակարդակի վրա»։
Զախարովայի կարծիքով՝ նման իրադրության հանգեցրել է Օբամայի որդեգրած քաղաքականությունը։
Մեկաբանելով Թրամփի օրոք երկու երկրների փոխգործակցությունը՝ Զախարովան ասել է. «Որքանով հասկանում եմ, նա նոր է սկսել։ Հնարավորությո՛ւն տվեք նրան»։
