Գերմանիայի արտգործնախարար Զիգմար Գաբրիելը այցելել է Իրաքի հյուսիսում Մոսուլից 15 կմ հեռավորության վրա գտնվող Բաշիկա քաղաքը և սարքավորումներ է հանձնել քաղաքի վերականգնման համար, հայտնում է dw.com-ը:
Զիգմար Գաբրիելը դարձել է Գերմանիայի բարձրաստիճան պաշտոնյաներից առաջինը, որն այցելել է ԴԱԻՇ-ից ազատագրված շրջանը Իրաքի հյուսիսում:
«Խաղաղ երկրից եկած մարդը առաջին հերթին լիարժեք շոկի է ենթարկվում»,- հայտարարել է Գաբրիելը քաղաքում, որը ջիհադիստների վերահսկողության տակ էր գտնվում 2014 թվականի հունիսից մինչև 2016 թվականի նոյեմբեր ժամանակահատվածում: Գաբրիելին նաև ցույց են տվել 50 կիլոմետրանոց ականապատված գոտին, ինչի շնորհիվ ԴԱԻՇ-ի ջիհադիստները վերահսկում էին իրենց տարածքը:
Գերմանացի նախարարը իշխանություններին է հանձնել ավելի քան մեկ միլիոն եվրոյի սարքավորումներ:
