Թուրքական զինված ուժերը սկսել են սիրիական Լաթաքիա քաղաքի մոտ՝ լեռան բարձունքին, նոր բազա կառուցել՝ հայտնում է Hurriyet-ը:
Ռազմական տեխնիկան, որը բեռնատարներով բերվել է Թուրքիայի հարավային Հաթայ նահանգից, ներկայում գտնվում է շինհրապարակում:
Բազան կգտնվի այն վայրի մոտ, որտեղ անցած տարի սիրիական ռեժիմի ուժերի կողմից թուրքական ինքնաթիռ էր խփվել՝ հայտնում է թերթը:
Շանլըուրֆա նահանգում՝ «Մուրշիթփընար» սահմանային անցակետի մոտ են ուղղվել նաև տանկեր ու բեռնատարներ, որոնցում զրահատեխնիկա կա՝ ասվում է հաղորդագրության մեջ:
Սիրիայում իրավիճակը «կրիտիկական փուլն» անցել է օգոստոսի 21-ին, երբ տեղեկություն տարածվեց կառավարական ուժերի կողմից Դամասկոսի մոտ գրոհայինների դեմ օպերացիայի ժամանակ քիմիական զենքի կիրառման մասին:
