1997-ին Versace-ն Ավստրալիայի Ոսկյա ափ նավահանգստում բացել է իր առաջին հյուրանոցը: Բանն այն է, որ Ջանի Վերսաչին միշտ էլ տարվել է ճարտարապետությամբ և իր ստեղծած հագուստներում օգտագործել է բարոկկոյի տարրեր: Հյուրանոցային համալիրը կառուցվել է պոստմոդեռնիստական ոճով, իսկ ներքին հարդարմամբ զբաղվել է Դոնաթելա Վերսաչին: Հյուրանոցն իր դռները բացել է 2000-ին:
Նշենք, նաև որ ապրանքանիշը ևս մեկ հյուրանոց պատրաստվում է բացել Մակաոյում: 2015-ին իր դռները հյուրերի առջև բացող հյուրանոցը կունենա 2 հազար համար և 700 խաղասեղան:
2010-ին Դուբայի «Բուրջ Խալիֆա» աշտարակում բացվել է Armani ապրանքանիշի հյուրանոցը: Դրանից մեկ տարի անց՝ արդեն իր հարազատ Միլանում մոդելյորը նոր հյուրանոց է բացել: 95 համարներից բաղկացած հյուրանոցը կառուցվել է 1937-ին նախագծված շենքում՝ Emporio Armani խանութի մոտ:
Bvlgari-ի առաջին հյուրանոցը բացվել է Միլանում՝ 2004-ին: Ներքին հարդարանքում գործածվել է Զիմբաբվեից բերված սև մարմար և կաղնու փայտ: Հյուրանոցի կից այգին զբաղեցնում է 4 հազար ք/մ տարածք: 2 տարի անց բացվել է նաև ապրանքանիշի՝ Բալիում գտնվող հյուրանոցը: Նախորդ տարի Լոնդոնում բացված Bvlgari հյուրանոցն ունի սեփական կինոթատրոն: Ներքին հարդարանքում մեծ դեր է խաղացել արծաթը: 2015-ին ապրանքանիշը նախատեսում է ևս մեկ հյուրանոց բացել Շանհայում:
Իտալական Missoni նորաձևության տունը Շոտլանդիայի Էդինբուրգ քաղաքում 2009-ին բացել է իր առաջին հյուրանոցը: Այն ունի 136 համար: Մեկ տարի անց բացվել է Hoetl Missoni Kuwait հյուրանոցը, որն ունի 136 համար:
Moschino նորաձևության տունն ունի ընդամենը 1 հյուրանոց՝ Միլանում: Հյուրանոցը, որն ունի 65 համար, տեղակայված է նախկին երկաթուղային կայարանի շենքում: Հյուրանոցը գործում է 2010-ից:
