Համակարգչային խաղերը տարեց մարդկանց օգնում են բարելավել հիշողությունը և մեծացնել ուշադրությունը:
Ամերիկյան գիտնականները հետազոտություն են անցկացրել, որին մասնակցել են տարեց կամավորներ: 60-85 տարեկան մարդկանց առաջարկվել էին համակարգչային խաղեր: Պարզվել է, որ խաղերը դրական ազդեցություն են ունեցել աշխատանքային հիշողության և ուշադրության կենտրոնացման վրա՝ հաղորդում է MedDaily-ն:
Գիտնականները հետազոտության մասնակիցներին առաջարկել են հատուկ ավտոմեքենաների մրցավազքի խաղ: Մասնակիցները պետք է ճանապարհն անցնելու ընթացքում գտնեին որոշակի նշաններ ու դրանց վրա շատ արագ սեղմեին: Գիտնականները համարում են, որ նման գործողությունները օգնում են զարգացնել բազմաթիվ խնդիրների լուծման ունակությունը, որը թուլանում է տարիքի հետ:
Գիտնականների համոզմամբ՝ սա ցույց է տալիս, թե որքան ճկուն է մարդու ուղեղը:
