G20-ի գագաթնաժողովին քննարկվել է նաև Սիրիայում տիրող իրավիճակը: Կարծիքները տարբեր էին, իսկ Դամասկոսին հարվածելու գաղափարի հեղինակ Բարաք Օբաման, հավանական է, հրաժարվի իր ծրագրերից: Այս մասին հաղորդում է ամերիկյան Daily Caller քաղաքական պարբերականը: Լրագրողներին տված հարցազրույցի ժամանակ Օբաման ասել է, որ չի ձգտում զինված միջամտության և նույնիսկ կարող է չեղալ հայտարարել քվեարկությունը Կոնգրեսում:
Երևում է` Բարաք Օբաման ինքն էլ արդեն ուրախ չէ, որ առաջարկել է հարվածել Սիրիային: Պարբերականի փոխանցմամբ` նախագահն ավելի մեղմ դիրքորոշում է ցուցաբերել:
«Կոնգրեսի որոշ անդամներ առաջարկել են սիրիական վարչակարգին 45 օր տալ՝ ստորագրելու քիմիական զենքի արգելքի մասին կոնվենցիան, ոչնչացնելու քիմիական նյութերը: Ընդհանուր առմամբ Սիրիան պետք է ամեն ինչ անի, որպեսզի միջազգային հանրությունը համոզվի, որ այդ երկիրը պատասխանատվություն ունի և հրաժարվել է ռազմական գործողություններից»,- հայտարարել է Օբաման լրագրողներին:
