Մոսկվայում ավարտվել են արտգործնախարար Սերգեյ Լավրովի և ԱՄՆ պետքարտուղար Ռեքս Թիլերսոնի բանակցույթունները: Հանդիպումը տևել է մոտ հինգ ժամ:
Քննարկման գլխավոր թեմաներում տեղ են գտել Սիրիան, Ուկրաինան, Հյուսիսային Կորեան և երկկողմ հարաբերությունների հարցեր: Հանդիպումից հետո Թիլերսոնը վերադարձել է հյուրանոց` հրաժարվելուվ լրագրողների հետ շփումից, հայտնում է RIA Novosti-ն:
ԱՄՆ պետքարտուղարը Մոսկվա է ժամանել նախօրեին: Ռուսաստան այցից առաջ նա հանդես է եկել Սիրիայի հարցով կոշտ հայտարարությամբ` Մոսկվային կոչ անելով «ընտրել» ԱՄՆ-ի հետ գործընկերության և Բաշար Ասադին աջակցության միջև:
Հանդիպումից առաջ Լավրովը ընդգծել է, որ Մոսկվայում կուտակվել են շատ հարցեր, որոնք վերաբերվում են երկկողմ հարաբերություններին և միջազգային խնդիրներին, և ավելացրել, որ Ռուսաստանը միաժամանակ պատրաստ է համագործակցել ԱՄՆ-ի հետ կառուցողական և իրավահավասար հիմքով:
Իր հերթին, ԱՄՆ պետքարտուղարը հույս է հայտնել, որ այդ հանդիպումը կօգնի Մոսկվայի և Վաշինգտոնի միջև ստեղծել անկեղծ երկխոսություն և թույլ կտա «բացատրել և արտահայտել այն կետերը», որոնցում իրեց դիրքորոշումները բաժանվում են: Նա ավելացրել է , որ հանդիպման ընթացքում ենթադրվում է քննարկել «մի շարք շատ ընդարձակ և շատ կարևոր հարցեր»:
Բանակցությունների ավարտից հետո Պուտինը Կրեմլում ընդունել է Լավրովին և Թիլերսոնին:
