«Ես միշտ ասել եմ, որ եթե լինեմ նոր Ազգային ժողովում, շատ չեմ ուրախանա, և եթե չլինեմ, ապա շատ չեմ տխրի: Ազգային ժողովում չլինելը դժբախտություն չէ»,- այս մասին այսօր լրագրողների հետ զրույցում ասաց ՀՀԿ խմբակցության պատգամավոր Վահրամ Մկրտչյանը, ով նոր ԱԺ-ում չի լինելու:
Գնահատելով 5-րդ գումարման խորհրդարանի գործունեությունը, Վ. Մկրտչյանը նշեց, որ բավականին արդյունավետ աշխատանքներ են իրականացվել, միաժամանակ հավելելով, որ, այնուամենայնիվ, եղել են շատ պատգամավորներ, որոնք ժամավաճառությամբ են զբաղվել»:
Մկրտչյանը նշեց, որ պոպուլիստների գործունեության գնահատականը տրվեց ապրիլի 2-ին, ժողովրդի կողմից. նրանք խորհրդարան չմտան:
ՀՀԿ-ական փողատեր, լռակյաց պատգամավորների վերաբերյալ Մկրտչյանը նշեց. «Փողի մասին ոչինչ ասել չեմ կարող, որովհետև այդպիսի դեպքերի ականատես չեմ եղել: Իսկ ինչ վերաբերում է քչախոս կամ չխոսկան պատգամավորներին, մենք մոռանում ենք մի բան`պատգամավորական գործունեությունը միայն ամբիոնում ճառելը չէ: Կա մի ստվար աշխատանք`հենց ընտրողի հետ աշխատանքը: Այս ընտրությունները ցույց տվեցին, որ ռեյտինգային թեկնածուներն ավելի լուրջ ներդրում են կարողանում ունենալ քվեների մեջ`հենց իրենց անմիջական կապերի շնորհիվ ընտրողի հետ»:
Մանրամասները՝ տեսանյութում:
