Ընկերությունը, որին պատկանում է Նեյմարի իրավունքների մի մասը, պատրաստվում է կատալոնական ակումբի դեմ հայցով դատարան դիմել:
Հիշեցնենք, որ «Բարսելոնա»-ն ձեռք է բերել Նեյմարի տրանսֆերը 57 մլն եվրոյի դիմաց, սակայն չի վճարել պահանջվող գումարը շահագրգիռ կողմերին` մասնավորապես, Sonda ներդրումային ընկերությանը, որին պատկանում է բրազիլացի ֆուտբոլիստի իրավունքների 40%-ը:
«Մենք հայց ենք նախապատրաստում` դատարան դիմելու համար: Մեր խմբին է պատկանում Նեյմարի իրավունքների 40%-ը, սակայն մենք ընդամենը 6.8 մլն եվրո ենք ստացել: Ունենք բոլոր հիմքերը` «Բարսելոնա»-ից ևս 16 մլն պահանջելու համար: Պատրաստվում ենք դատարան դիմել` մեր իրավունքները պաշտպանելու նպատակով»,- ասել է ընկերության նախագահը:
