Ալյասկայում Տալկիտնայի քաղաքապետի պաշտոնը զբաղեցնող Սթաբբս կատվի վրա հարձակվել են՝ հաղորդում է CNN-ը:
Բնակավայրի «վարչական ղեկավարին» շուն է կծել: Դեպքի հետևանքով Սթաբբսը բազմաթիվ վնասվածքներ է ստացել, այդ թվում՝ կրծքավանդակի ոսկորների կոտրվածքներ, թոքերի ու կողի պատռվածքներ:
Սթաբբսը հոսպիտալացվել է մի քանի օր առաջ և այժմ գտնվում է մասնագետների հսկողության ներքո: Սեպտեմբերի 3-ից կատուն ինքնուրույն է շնչում: Այնուամենայնիվ, նրա վիճակը ծանր է: Անասնաբույժները դեռ չեն անվանում «քաղաքապետին» հիվանդանոցից դուրս գրելու ժամկետը:
Կենդանու նստավայրը գտնվում է խանութում: Տեղի բնակիչները շատ են սիրում Սթաբբսին և համարում են, որ նա կարողացել է քաղաքի վրա զբոսաշրջիկների ուշադրությունը գրավել:
