«Միլան»-ի գլխավոր մարզիչ Մասիմիլիանո Ալեգրին հայտնել է, որ հաճույքով կգլխավորեր Իտալիայի ընտրանին, եթե հնարավորություն ունենար:
Ներկայումս Իտալիայի ազգային թիմի գլխավոր մարզիչն է Չեզարե Պրանդելին, ում գլխավորությամբ իտալացիները նվաճել են Euro-2012-ի եզրափակիչի ուղեգիր և երրորդ տեղը զբաղեցրել Կոնֆեդերացիաների գավաթի 2013 թվականի խաղարկությանը:
«Արդեն բազմիցս հայտարարել եմ, որ ցանկացած մարզիչ երազում է գլխավորել իր երկրի ընտրանին: Այդ թվում նաև ես: Սակայն ներկայումս ես «Միլան»-ի գլխավոր մարզիչն եմ, ինչի համար անչափ ուրախ եմ: Իսկ Իտալիայի հավաքականը գլխավորում է այնպիսի մեծագույն մարզիչ, ինչպիսին Չեզարե Պրանդելին է, և այնտեղ տանող բոլոր ճանապարհները դեռևս փակ են»,- Calcio Mercato-ն մեջբերում է Ալեգրիի խոսքերը:
