Արդարադատության նախարարությունը ոչ միայն «Հաց բերող» Արթուր Սարգսյանի, այլ նաև ընդհանրապես այլ գործերով կալանավորված և դատապարտված անձանց հետ տեսակցությունների սահամանփակումներ է դրել, ԱԺ պատգամավորների շփումը նրանց հետ ապօրինի կերպով սահմանափակել է:
«Ես և պարոն Մարուքյանը երբ որ գնացել, հասել ենք Արթուր Սարգսյանի խուց, ըստ էության, ուժային եղանակով ենք գնացել, որովհետև արդարադատության նախարարությունը ապօրինաբար սահամափակում է՝ հաշվի առնելով քննիչի որոշումը, չնայած, որ օրենքը բոլորովին այլ բան է նախատեսում: Ամեն անգամ Արթուր Սարգսյանի հետ մեր շփումները սահմանափակել են և այդ ապօրինությամբ ազդել են այս իրավիճակի վրա: Արդարադատության նախարարությունը, կոնկրետ Քրեակատարողական վարչությունը և Արթուր Սարգսյանի, և տեսակցության սահմանափակում ունեցող կալանավորված անձանց դեպքում ուղղակի սահմանափակում է ԱԺ պատգամավորների շփումը նրանց հետ, ինչը բացահայտ ապօրինություն է»,- այս մասին այսօր լրագրողների հետ զրույցում հայտարարեց «Ելք» դաշինքի պատգամավորության թեկնածու Նիկոլ Փաշինյանը, ով եկել էր՝ մասնակցելու Արթուր Սարգսյանի հոգեգալստյան արարողությանը:
Մանրամասները՝ տեսանյութում:
