Նախընտրական քարոզարշավի փուլում կուսակցություններն ու դաշինքները հանրությանն են ներկայացնում իրենց նախընտրական ծրագրերը. արդյո՞ք կան այնպիսի գաղափարներ, որոնք կյանքի կոչելով՝ մեր տնտեսությունը կդառնա մրցունակ, և որքանո՞վ են իրատեսական խոստումները: Այս և այլ հարցերի շուրջ «Առաջին լրատվականի»- ը զրուցեց «Տնտեսական իրավունքի կենտրոն» ՀԿ նախագահ Մովսես Արիստակեսյանի հետ:
Նրա խոսքով՝ անկախ կուսակցական պատկանելությունից, բանիմաց մարդիկ կարող են կառավարել երկիրն ու տնտեսությունը և իրականացնել ծրագրեր՝ ընտրելով տարբեր գործիքակազմեր:
«Կուսակցությունների և դաշինքների ծրագրերում գրեթե նույն նպատակների մասին տարբեր մոտեցումներ են դրսևորել կուսակցությունները. դա շատ լավ է: Այդուհանդերձ ինձ մոտ տարակարծություն է առաջացնում այն, որ որոշ քաղաքական ուժերի ծրագրերում տեղ են գտել այնպիսի նպատակներ, որոնք պետք է կատարված լինեին անցած տարիների ընթացքում»,- նշեց Արիստակեսյանը:
Նա նաև ընդգծեց, որ չի հավատում ԱՎԾ որևիցե տվյալի, այդ թվում նաև աղքատության մակարդակի պաշտոնական տվյալին, որը, ըստ ԱՎԾ-ի՝ կազմում է 30 տոկոս: Արիստակեսյանի դիտարկմամբ՝ քաղծառայողները ևս կա՛մ աղքատ են, կա՛մ աղքատության սահմանագծում են: Նրա կարծիքով՝ ԱՎԾ-ն քաղաքական պատվերով նկարչությամբ է զբաղված:
Մ. Արիստակեսյանի խոսքով՝ իշխանությունը մատը մատին չի տվել իր իշխանության տարիներին և հիմա նորից կայունացման, հաջողությունների մասին կոչերով է հանդես գալիս:
Մանրամասները՝ տեսանյութում: