«Առաջին լրատվական»- ի հետ զրույցում Արամ Գ. Սարգսյանը, անդրադառնալով դիտարկմանը, որ Հայաստանում արդեն մեկ շաբաթ է մեկնարկել է նախընտրական քարոզարշավը, իսկ Հայաստանի դեմոկրատական կուսակցությունը դուրս է եկել ՕՐՕ դաշինքից, նշեց. «Մենք դուրս չենք եկել գործընթացից, չենք կարող անտարբեր լինել, թե ինչ է կատարվում: Խնդիրը հետևյալն է՝ արհեստածին շատ պատճառներ կային, ինչը թույլ չտվեց գաղափարակից կուսակցություններին մասնակցելու ընտրություններին: Հայաստանում մեկ-երկու կուսակցություններ են, որ ունեն և՛ ադմինիստրատիվ, և՛ ֆինանսական ռեսուրս»:
Արամ Սարգսյանի դիտարկմամբ՝ Հայաստանի բնակչությունը, հատկապես գյուղերում, շատ աղքատ է և անընդհատ ֆինանսական օգնություն է ուզում. «Նրանք ոչ թե ծրագիր կամ գաղափարախոսություն են ընտրելու, այլ ընտրելու են նրան, ով ավելի շատ ֆինանսական աջակցություն ցույց կտա՝ այսինքն՝ ընտրակաշառք կտա: Այս պայմաններում խոսել այն մասին, որ ընտրությունները կլինեն լեգիտիմ, կարծում եմ, սխալ է: Մենք ոչ թե պառլամենտ ենք ձևավորում, այլ մի միավոր, որը ոչ մի պատասխանատվություն չի կրելու իր ծրագրի, իր գաղափարախոսության համար, որովհետև ոչ ոք չի հետաքրքվում ծրագրից»:
Արամ Սարգսյանի խոսքով՝ ՀՀԿ-ն կարծում է, որ Կարեն Կարապետյանի իմիջը բարձր է և կօգնի իրենց ձայներ հավաքել: Նրա կարծիքով՝ իհարկե, անձերը մեծ նշանակություն ունենան, բայց խնդիրն այն է, թե ինչ ծրագիր են ներկայացնում:
Արամ Սարգսյանի կարծիքով՝ մեն ինչ չի անցնելու այնպես, ինչպես նախատեսել են իշխանությունները. «Իշխանությունը խառնաշփոթ է ստեղծել… ֆորս մաժորն անխուսափելի է»:
Մանրամասները՝ տեսանյութում: