ՀՀ վարչապետ Կարեն Կարապետյանը հույս ունի երբևէ Հայաստանում հասնել մի իրավիճակի, երբ քաղաքացիները ՀՀ վարչապետի անձի մասին հարցի շուրջ կմտածեն, թե ով է նա: «Ես կոնկրետ իմ և կամայական պետական ծառայողի աշխատանքը տեսնում եմ հետևյալում. եթե նա կարողանա այնպես անել, որ իր անհրաժեշտությունը հասցնի նվազագույնի, ապա դա կլինի իր ճիշտ աշխատելու ցուցանիշը: Հուսով եմ, որ երբևե կգանք մի այնպիսի վիճակի, որ մեր հանրապետության քաղաքացիների մեծամասնու թյանը երբ հարցնեն, թե ով է վարչապետը, նա կմտածի, տեսնի՝ հիշո՞ւմ է, թե՞ ոչ: Դրանով ցույց կտանք, որ նա խնդիր չունի, դարդ ու ցավ չունի»,- այսօր երեկոյան Գորիսում բնակչության հետ հանդիպմանը ասաց ՀՀ վարչապետը:
Անդրադառնալով պետական պաշտոններում բարեկամներին նշանակելուն ու արդարությանը՝ Կարեն Կարապետյանն ընդգծեց. «Այդ հարցում համոզված եղեք, ես բազմաթիվ բարեկամներ ունեմ, ովքեր ինձնից նեղացած են, որ իրենք բարձր պաշտոններ չունեն»: