Մելանի անունով ֆրանսուհին, որի մոտ Դաունի համախտանիշ է, ժամանակավորապես հաղորդավարուհի կդառնա սոցցանցերում ֆլեշմոբի շնորհիվ: Այս մասին հաղորդում է The Local պարբերականը:
Պարբերականի տվյալներով՝ աղջիկը միշտ ցանկացել է եղանակի կանխատեսման հաղորդում վարել, այդ պատճառով Facebook-ում էջ է ստեղծել և ֆրանսիական հեռուստաալիքներին հորդորել է իրագործել իր երազանքը:
Բացի այդ նա նաև հոլովակ է նկարահանել, որը մի քանի օրում հավաքել է ավելի քան 2 միլիոն դիտում: Արդյունքում France 2 և BFM TV հեռուստաալիքները Մելանիին հրավիրել են հաղորդում վարել:
