Ավելի վաղ տեղեկացրել էինք, որ այսօր մի խումբ ակտիվիստներ, ինչպես նաև Կոմիտաս 5 հասցեի բնակիչները բողոքի ակցիա անցկացրեցին նախ՝ ՀՀ ոստիկանության, ապա դատախազության առջև: Մի շարք քաղաքացիական ակտիվիստներ ելույթներով և կոչերով հանդես եկան, ապա նամակ հանձնեցին դատախազություն:
Ակցիայի մասնակիցների մի մասն այնուհետև երթով շարժվեց դեպի Երևանի քաղաքապետարան, որտեղ արդեն մեկ ամսից ավելի նստացույց են անում, իսկ վերջին օրերին պարբերաբար ոստիկանություն են բերման ենթարկվում ակտիվիստներ Սուրեն Սահակյանը, Վահագն Մինասյանը և Գոռ Առաքելյանը:
Ակցիայի մասնակիցները դեպի քաղաքապետարան շարժվեցին՝ «ՀՀ ոստիկանություն, այ քեզ խայտառակություն» կոչերով, իսկ տեղ հասնելուն պես պահանջեցին «պապայի բալաներին» գտնել և պատասխանատվության ենթարկել:
Հիշեցնենք, որ մի քանի օր առաջ ակտիվիստներին էին մոտեցել անհայտ անձինք, սպառնալիքներ հնչեցրել և ասել՝ էդ ո՞ւմ հերերին եք բան ասում:
