Ամստերդամի Van Gogh Museum-ը թողարկել է նկարչի լավագույն աշխատանքների 3D տարբերակները: Ինչպես պնդում է թանգարանի տնօրենը՝ դա հաջորդ սերնդի վերարտադրություն է, քանի որ ներկայացված են եռաչափ ձևով: Առաջին հայացքից դրանք չեն տարբերվում բնօրինակից, սակայն ավելի մոտից նայելու դեպքում ուշադիր գիտակները կարող են տարբերությունը զգալ:
Յուրաքանչյուր վերարտադրում արժե մոտավորապես 22 հազար ֆունտ ստեռլինգ, այդ պատճառով այժմ հնարավորություն է ընձեռվել գնել Վան Գոգի «Արևածաղիկներ», «Ծաղկած նշենու ճյուղեր», «Բերքահավաք», «Կլիշիի բուլվար» նկարների 3D տարբերակները: Նկարների վաճառքից ստացված եկամուտները կուղղվեն թանգարանի վերանորոգման ու մի շարք կտավների պահպանության աշխատանքներին:
