Լիբիայի կառավարության ղեկավարը աշխարհի մի շարք երկրների ղեկավարներին է ուղարկել պաշտոնական նամակ, որում պատրաստակամություն է հայտնել անմիջապես դադարեցնել կրակը, բանակցություններ սկսել ընդդիմության հետ, համաներում հայտարարել բոլոր կողմերի համար և նախապատրաստել երկրի նոր սահմանադրությունը: Այս մասին հաղորդում է The Independent-ը:
Բրիտանական թերթի տրամադրության տակ են հայտնվել վարչապետ Ալ-Բաղդադի Ալի Ալ-Մահմուդիի նամակի կրկնօրինակը. «Ապագա Լիբիան շեշտակիորեն տարբերվելու է այն Լիբիայից, որը գոյություն ուներ երեք ամիս առաջ»,- գրում է Ալ-Մահմուդին: նա առանձնահատուկ շեշտել է, որ օգնություն պետք է ցուցաբերվի բոլոր լիբիացիներին` անկախ նրանից, թե որ ճամբարում են նրանք գտնվում: «Բռնության շրջանը պետք է ավարտվի միավորման գործըթնացով: Երկու կողմերին էլ պետք է ուժ գտնել դուրս գալու անկյունից և ընդհանուր համաձայնության ճանապարհով գնալու»,- ասվում է նամակում:
Որքան էլ զարմանալի է, նամակում ընդհանրապես չի խոսվում, թե ինչ դեր է ունենալու Լիբիայի առաջնորդ Մուամար Քադաֆին երկրի ապագա զարգացումներում:
