Սթրեսն ու էմոցիոնալ ցնցումները խստորեն արգելված են այն մարդկանց, որոնց մոտ քաղցկեղ է ախտորոշվել: Ինչպես ցույց են տվել հետազոտությունները՝ ուժեղ սթրեսն ակտիվացնում է ATF3-ը՝ առանցքային գենը, որը թույլ է տալիս հիվանդությանը տարածվել:
Օհայոյի համալսարանի գիտնականները կարծում են, որ նոր թերապիան ուղղված կլինի հենց այդ գենի դեմ: Նորմայի դեպքում այն ստիպում է բարորակ բջիջներին ինքնասպան լինել: Այս մասին հայտնում է Meddaily-ն:
Մկների վրա անցկացված փորձը ցույց է տվել, որ
ATF3-ից զրկված կրծողների մոտ քաղցկեղ քիչ է տարածվել: Ազդեցությունը տարածվել է միայն մետաստազավորման, այլ ոչ թե նորագոյացության սկզբնական չափսի վրա:
Ստացվում է, որ սթրեսային վիճակը նպաստում է մետաստազների առաջացմանը:
Տեսականորեն կարելի է ստեղծել «գենն անջատող» միջոց, սակայն գիտնականները վախենում են անկանխատեսելի հետևանքներից: Գենն օրգանիզմում գոյություն ունի ոչ հենց այնպես: Այն օրգանիզմին օգնում է հարմարվել փոփոխություններին: Այդ իսկ պատճառով ծագում է հետևյալ հարցը՝ ինչպես և երբ պետք է ազդել ATF3-ի վրա:
