Ոստիկանությունը բավական ագրեսիվ արձագանքեց Կոմիտասի 5 հասցեում կառուցվող հերթական էլիտար շինարարության դեմ քաղաքացիների բողոքի ակցիաներին:
Հանգստյան օրերին բողոքի դուրս եկած բնակիչների, նրանց աջակցող ակտիվիստների և ոստիկանների միջև տեղի ունեցած միջադեպերը հիշեցնում էին մարտաֆիլմերի հայտնի դրվագներ: Ոստիկանների ագրեսիվությունը, թերևս, պատահական չէ և պայմանավորված է կառուցվող շենքի սեփականատիրոջ անձով:
«Ժողովուրդ»-ին լավատեղյակ աղբյուրներից հայտնի է դարձել, որ Կոմիտասի 5 հասցեում կառուցվող շենքի իրական սեփականատերը հայտնի օլիգարխ, «Ֆլեշ Բարսեղ» մականունով հայտնի Բարսեղ Բեգլարյանն է:
Հիշեցնենք, որ նա համարվում է Սերժ Սարգսյանի մտերիմ ընկերներից մեկը, նաև քավորսանիկական հարաբերություններ ունի վարչապետ Տիգրան Սարգսյանի հետ:
«Ժողովուրդ»-ին, սակայն, չի հաջողվել անձամբ Բ. Բեգլարյանից մեկնաբանություններ ստանալ. նրա փոխարեն հեռախոսազանգին պատասխանել է օգնականը և ասել, որ Բեգլարյանը խիստ զբաղված է, ու չենք կարող նրա հետ խոսել:
Հոդվածն ամբողջությամբ՝ կարդացեք «Ժողովուրդ»-ի այսօրվա համարում:
