ԱՄՆ Կալիֆոռնիա նահանգի 91-ամյա բնակչուհի Շառլոտտա Հայդորնի բնակարանը ենթարկվել է խուզարկության: Այս մասին հաղորդում է Associated Press գործակալությունը: Հայդորնին է պատկանում «ինքնասպանություն գործելու համար» անհրաժեշտ պարագաներ արտադրելու և վաճառելու մի ընկերություն:
Այդ «հավաքածուի» մեջ մտնում է պոլիէթիլենային տոպրակ և կոշտ խողովակ, որով հնարավոր է հելիում մղել գլխին հագցնելու համար նախատեսված այդ տոպրակի մեջ: Հայդորնի ընկերությունը 60 դոլար արժողությամբ այդ փաթեթները վաճառել է հեռախոսով:
Խուզարկության ժամանակ 91-ամյա «գործարարի» տանը հայտնաբերել են նմանատիպ պատրաստի մի քանի «հավաքածուներ»: Անցյալ շաբաթ հայտնի էր դարձել, որ Նյու Յորքում նույնատիպ սարքերով ինքնասպանություն է գործել մի քանի բռնաբարության մեջ մեղադրվող հայտնի ամերիկացի ռեժիսոր և կոմպոզիտոր Ջոզեֆ Բրուքսը: Սակայն պարզ չէ՝ կապվա՞ծ են արդյոք 91-ամյա կինն ու Բրուքսի ինքնասպանությունը:
