ՄԱԿ-ը մտահոգված է սիրիացի ապստամբների հայտարարության առնչությամբ, համաձայն որի՝ արտերկրից մոտ 400 տոննա զենքի խոշոր խմբաքանակ է ստացվել: Ինչպես հայտարարել է ՄԱԿ-ի գլխավոր քարտուղարի պաշտոնական ներկայացուցիչ Մարտին Նեսիրկին՝ ՄԱԿ-ն ի վիճակի չէ ստուգել այդ տեղեկությունը: Այս մասին հայտնում է ITAR-TASS-ը:
«Մենք տեսել ենք այդ հաղորդագրությունները, սակայն ի վիճակի չենք ստուգել դրանք: Գլխավոր քարտուղարի դիրքորոշումը հակամարտության հետագա ռազմականացման վտանգավորության վերաբերյալ քաջ հայտնի է»,- ասել է Նեսիրկին:
Վերջին ամիսներին Պան Գի Մունը բազմիցս կտրականապես դեմ է արտահայտվել Սիրիա զենքի մատակարարումներին՝ միջազգային հանրությանը կոչ անելով դրա փոխարեն նպաստել հակամարտության քաղաքական կարգավորմանը:
