Մարդկանց տուն այցելելով՝ շատ բան կարելի է ասել նրանց ճաշակի և նախասիրությունների մասին: RBK Style-ն առաջարկում է առցանց էքսկուրսիա լեգենդար դիզայներների և մոդելյորների տներով:
Թոմի Հիլֆիգեր
Ամերիկացի հայտնի դիզայներ Թոմի Հիլֆիգերը և նրա կինը` Դին, բնակվում են երկհարկանի շինությունում` New York Plaza-ի ամենավերին հարկում: Բնակարանն ամուսիններին արժեցել է 50 միլիոն դոլար, այն ունի հինգ ննջարան և չորս լոգարան:
Կոկո Շանել
Բնակարանը, որտեղ ապրել է Կոկո Շանելը, գտնվում է Փարիզում: Տան ներքին դիզայնը խոսում է տանտիրուհու սիրո մասին դեպի արևելյան արվեստը: Կոկո Շանելի տանն Արևելքը հանդիպում է Արևմուտքի հետ. շքեղ կահույք արթ-դեկո ոճով, Բուդդայի արձաններ և հայտնի գրողների մարմարե կիսանդրիներ: Տան յուրաքանչյուր մաս խոսում է Կոկոյի անկրկնելի ոճի մասին:
Կառլ Լագերֆելդ
Chanel նորաձևության տան հաջորդ ժառանգորդն է Կառլ Լագերֆելդը: Նրա բնակարան մուտք գործելիս թվում է ընկել ես 2020 թ.: Ամեն ինչ ձևավորված է ժամանակակից մինիմալիստական ոճով` սև-սպիտակ գույների մեջ: Լագերֆելդն իր տունը նկարագրում է որպես «տիեզերական նավ քաղաքի համար, որտեղ դուք կապ եք զգում Երկրի հետ»:
Վալենտինո
Իտալացի մոդելյոր Վալենտինո Գարավանին առանձնատներ և բնակարաններ ունի տարբեր երկրներում, սակայն ամենատպավորիչը Château de Wideville ֆրանսիական կալվածքն է` 48 հա: Այս կալվածքը ստեղծվել է Լյուդովիկոս18-րդ թագավորի ֆինանսների նախարարի կողմից: Այն Վալենտինոյի սեփականությունն է դարձել 1995 թ.: Նա կիրք է տածում Չինաստանի արվեստի հանդեպ: Սենյակների ներքին դիզայնը ստեղծված է 20-ական թթ. Շանհայի համար բնորոշ ոճով:
Ռալֆ Լորեն
Դիզայներ Ռալֆ Լորենը շատ տներ ունի, որոնք հիմնականում տեղակայված են ԱՄՆ-ի տարածքում: Ամենախոշոր կալվածքներից մեկը համարվում է Բեդֆորդի տունը (Նյու Յորք նահանգ): Այն կառուցվել է 1919թ.՝ նորմանական ճարտարապետական ոճով: Առանձնատունն ունի 60 մեքենաների համար նախատեսված ավտոտնակ: Ռալֆը ռետրո մեքենաների մեծ հավաքածու ունի:
Վերա Վոնգ
2011 թ. դիզայներ Վերա Վոնգը, որի զգեստներն ընտրում են համաշխարհային աստղերը ճոխ հարսանիքների համար, գնել է առանձնատուն Բևերլի Հիլզում: 409 ք/մ մակերես ունեցող տունն ակվարիում է հիշեցնում, քանի որ պատերը հիմնականում ապակուց են: Դիզայնի համար, որն արժեցել է 3 միլիոն դոլար, պատասխանատու է եղել Սթիվ Հերմանը: Առանձնատան պատուհաններից բացվում է տեսարան դեպի Լոս Անջելես և օվկիանոս:
