ԱՄՆ նախագահ Դոնալդ Թրամփը վրդովեցնող է անվանել Կալիֆորնիայի իշխանությունների ցանկությունը՝ վերածելու նահանգը անօրինական ներգաղթյալների համար ապաստանի։
Ավելի վաղ Կալիֆորնիայի սենատում դեմոկրատական խմբակցության անդամները (27 աթոռ ընդդեմ հանրապետականների 13 աթոռի) առաջարկել էին վերածել Կալիֆորնիան անօրինական ներգաղթյալների համար երկրում առաջին «նահանգ-ապաստանի»։ Կալիֆորնիայի օրենսդիր ժողովի ստորին պալատում մեծամասնությունը նույնպես դեմոկրատներինն է (55-ն ընդդեմ 25-ի)։
«Ես դա վրդովեցնող եմ համարում»,-ասել է Թրամփը Fox News-ի հետ հարցազրույցում։ «Ես դեմ եմ հանդես գալիս անօրինական ներգաղթյալների համար նահանգ-ապաստաններին։ Այնտեղ հանցավորություն և շատ այլ խնդիրներ են սերմանվում։ Եվ եթե ստիպված լինենք, մենք կզրկենք Կալիֆորնիային ֆինանսավորումից»,-ասել է Թրամփը՝ հավելելով, որ որևէ մեկին ֆինանսավորումից զրկել չի ցանկանում։
Ինչպես հայտարարել է Թրամփը՝ «շատ ուղղություններով իրավիճակը Կալիֆորնիայում դուրս է եկել վերահսկողությունից»։ «Ընտրողները համաձայն են դրա հետ, այլապես իմ օգտին չէին քվեարկի»,-նշել է ԱՄՆ նոր նախագահը։
