«Քաղաքացիական պայմանագիր» կուսակցության և «Ելք» դաշինքի անդամ Սիփան Փաշինյանն առաջադրվելու է թիվ 13 ընտրատարածքում. «Առաջին լրատվական»- ի հետ զրույցում պարզաբանելով, թե ինչու է ընտրել այդ ընտրատարածքը, Փաշինյանը նշեց, որ ծնվել և կրթություն է ստացել Իջևանում, տեղյակ է տավուշցիների խնդիրներին: Նա նաև նշեց, որ Տավուշի մարզի դատարկումը ուղիղ սպառնում է ազգային անվտանգությանը, այդ իսկ պատճառով չի պատրաստվում լքել մարզը և որոշել է այնտեղ առաջադրել իր թեկնածությունը:
Սիփան Փաշինյանի խոսքով՝ մարդիկ պետք է հասկանան, որ «Ծառուկյան» դաշինքին, Սեյրան Օհանյանին կամ Վարդան Օսկանյանին ընտրելով՝ իրենց կյանքում բան չի փոխվի. «Հասարակությունը պետք է բարոյական դաշտում դատապարտի նրանց, որ նրանց մտքով անգամ չացնի, որ իրենք հնարավորություն ունեն ՀՀԿ-ից դուրս որևիցե քաղաքական գործունեություն ծավալել»:
Սիփան Փաշինյանի դիտարկմամբ՝ ընտրությունները բոյկոտելը կվնասի իրական ընդդիմությանը և կնպաստի իշխանության վերարտադրությանը:
Անդրադառանով քաղաքական սերնդափոխության անհրաժեշտությանը, Ս. Փաշինյանը նշեց, որ նոր, երիտասարդ մարդիկ են գալիս, և նրանց ընտրելով՝ կլուծվեն այնպիսի հարցեր, որոնք նախորդ տարիներին չեն լուծվել: Նա նաև կարծիք հայտնեց, որ իշխանափոխությունը պետք է սկսել գյուղերից:
Մանրամասները՝ տեսանյութում:
