Քիչ առաջ Կոմիտաս 5 հասցե էր եկել Արաբկիրի թաղապետ Հրայր Անտոնյանը: Նա փորձեց բնակիչներին համոզել, որ շինարարությունն օրինական հիմքեր ունի, և պետք է բազմաբնակարան շենքը կառուցվի: Հրայր Անտոնյանը զայրացած ասաց, որ բնակիչների պահանջով շենքի հարկերը 14-ից 7-ն են դարձրել, և բողոքելու տեղ այլևս չկա:
Ակտիվիստների հետ էր նաև «Նախախորհրդարանի» անդամ Տիգրան Խզմալյանը, ով Հրայր Անտոնյանին ասաց, որ ոչ մի շինարարություն չի կատարվելու առանց ժողովրդի համաձայանության, և սա ինքը պաշտոնապես հայտարարում է ժողովրդի ու «Նախախորհրդարանի» անունից:
Հրայր Անտոնյանը փորձեց հակադարձել բնակիչներին, ինչին ի պատասխան՝ վերջիններս սկսեցին բղավել «հեռացի՛ր»: Այդպես էլ որևէ պայմանավորվածության չհասնելով՝ թաղապետը հեռացավ, քանի որ նրա նյարդերը տեղի տվեցին:
