Toyota ընկերությունը շուտով կդադարեցի իր լայն մոդելային գամմայի ամենաշքեղ մեքենաներից մեկի արտադրությունը: Խոսքը արտաճանապարհային FJ Cruiser ավտոմեքենայի մասին է, որը նախատեսված է ամերիկյան շուկայում: 2014 թվականն այդ մեքենայի համար կլինի վերջինը: Այս մասին հայտնում էVesti-ն:
FJ Cruiser-ն առաջին անգամ արտադրվել է 2006 թվականին: Թեև այն նախատեսված է եղել ամերիկյան շուկայի համար, սակայն արտադրվել է Ճապոնիայում: Այնտեղ արտադրվել են նաև ղեկի աջակողմյան տարբերակով մեքենաներ, որոնք վաճառվել են ինչպես Ճապոնիայում, այնպես էլ Ավստրալիայում և Նոր Զելանդիայում:
260 ձիաուժ հզորությամբ շարժիչով մեքենան արտադրվել է 5 աստիճան ավտոմատ կամ 6 աստիճան մեխանիկական փոխանցման տուփով:
Այն արդեն հնացել է, վերջին տարիներին մեքենայի վաճառքը քառակի ընկել է: Մեքենան ԱՄՆ-ում արժե 27 հազար դոլար:
2014-ի հունիսի 10-ին մեքենայի պատվերների ընդունումը կդադարեցվի: