«Ոսկե Ծիրան» փառատոնի տնօրեն Հարություն Խաչատրյանը և ՀՀ մշակույթի նախարար Հասմիկ Պողոսյանն այսօր հրավիրված համատեղ ասուլիսի ժամանակ հայտարարեցին 8-րդ «Ոսկե Ծիրան» փառատոնի սկիզբը:
Այս տարի փառատոնին մասնակցելու է 57 երկիր` ներկայացնելով 600 ֆիլմ։ Ինչպես նախորդ տարիներին, այս տարի էլ մրցութային ծրագրում ընդգրկված են խաղարկային, վավերագրական, «Հայկական համայնապատկերի» ֆիլմեր:
8-րդ փառատոնին ավելացվել է ևս մեկ մրցութային ծրագիր՝ կարճամետրաժ խաղարկային ֆիլմերի միջազգային մրցույթը՝ «Կորիզ» խորագրով: Այս ծրագիրը երիտասարդներին հնարավորություն է տալիս մասնակցել փառատոնին։
Քանի որ «Նաիրի» կինոթատրոնը փակ է, ֆիլմերը ցուցադրվելու են «Մոսկվա» կինոթատրոնում և այլ մշակութային կենտրոններում: Փառատոնի շրջանակներում անցկացվող մրցութային ծրագիրը նվիրված է ԱՊՀ ստեղծման 20-ամյակին: