Փաստաբան Լիանա Բալյանը, իր թեկնածությունը դնելով ՀՀ փաստաբանների պալատի խորհրդի անդամների ընտրություններին, չի ցանկանում քարոզարշավ սկսել իր անձի գովազդմամբ, քանի որ չի ցանկանում, որպեսզի քարոզարշավներով նմանվեն մեր երկրում անցկացվող քաղաքական ընտրություններին: Այդ մասին ֆեյսբուքում գրառում է կատարել փաստաբանը:
Լիանա Բալյանի գրառման մեջ մասնավորապես նշվում է.
«Հարգելի փաստաբաններ,
Իմ երկարամյա փաստաբանական գործունեության ընթացքում, առաջին անգամ ընդառաջ գնալով նաև շատ փաստաբանների առաջարկին, որոշեցի ՀՀ փաստաբանների պալատի խորհրդի անդամների ընտրություններին դնել իմ թեկնածությունը և մասնակցել 2017թ. փետրվարի 11-ին կայանալիք ՀՀ փաստաբանների պալատի խորհրդի անդամների ընտրություններին:
Նկատի ունենալով այն հանգամանքը, որ յուրաքանչյուր ընտրող` փաստաբան, կարող է իր ձայնը տալ առավելագույնը խորհրդի անդամի 12 թեկնածուների, հայտարարում եմ, որ ես ցանկություն չունեմ քարոզարշավ սկսել և իմ անձը գովազդել, որովհետև, փաստաբանական համայնքում բոլորս ճանաչում ենք միմյանց և չեմ ցանկանում որպեսզի քարոզարշավներով նմանվենք մեր երկրում անցկացվող քաղաքական ընտրություններին: Իմ փաստաբանական գործունեության ընթացքում առաքելությունս բացի քաղաքացիներին պաշտպանելուց, եղել է և միշտ կմնա փաստաբանների իրավունքների պաշտպանությունը, իսկ նվիրական երազանքս եղել է միասնական, հզոր և զարգացող փաստաբանական համայնք ունենալը: Ես` որպես փաստաբան, որպես խորհրդի անդամ ընտրելու եմ այն փաստաբաններին, որոնց աշխատանքը և նվիրվածությունը տեսել եմ փաստաբանական համայնքին և համոզվել եմ, որ խորհրդի անդամները կղեկավարվեն և կառաջնորդվեն միայն մեկ կարգախոսով`<Փաստաբանական համայնքի շահերը վեր դասել իրենց նեղ անձնական շահերից…»:
