Թուրքիայում 2016թ․ հուլիսին տեղի ունեցած ռազմական հեղաշրջման փորձից հետո ձերբակալվել է շուրջ 43 հազար մարդ, որոնք մեղարդրվում են իսլամի քարոզիչ Ֆեթուլլահ Գյուլենի շարժման (FETO) հետ կապեր ունենալու համար, աշխատանքից ազատվել է շուրջ 93 հազար պետական ծառայող։ Ինչպես հաղորդում է RIA Novosti-ն, այս մասին հայտարարել է Թուրքիայի նախագահ Ռեջեփ Թայիփ Էրդողանը։
«FETO-ի հետ կապեր ունենալու համար հեղաշրջման փորձից հետո ձերբակալվել է շուրջ 43 հազար մարդ, ավելի քան 93 հազար մարդ հեռացվել է օետական ծառայությունից։ «Մաքրման աշխատանքները» դեռ չեն ավարտվել»,-հայտարարել է Էրդողանը Անկարայում կառավարման տեղական մարմինների ղեկավարների հետ հանդիպմանը։
Ավելի վաղ հաղորդել էինք այն մասին, որ Die Presse գերմանական պարբերականի տրամադրության տակ հայտնվել է Եվրամիության Հետախուզական և իրավիճակային կենտրոնի (EUINTCEN) գաղտնի փաստաթուղթը, որի բովանդակությունը հակասում է Անկարայի պաշտոնական տարբերակին․ եվրոպացի փորձագետների կարծիքով «գրեթե անհավանական է», որ ԱՄՆ-ում բնակվող իսլամի քարոզիչ Ֆեթուլլահ Գյուլենը դերակատարում է ունեցել Թուրքիայում պետական հեղաշրջման փորձի գործում։