Մինչ ԱՄՆ-ում պատրաստվում են Դոնալդ Թրամփի երդմնակալության արարողությանը, Ադրբեջանի մայրաքաղաք Բաքվում կառուցված Trump Tower երկնաքերի վրայից հանում են նրա անունը, հաղորդում է Blommberg գործակալությունը։
Գործակալության փոխանցմամբ՝ Բաքվի 33-հարկանի հյուրանոցի վրայից անհետացել են մի շարք տառեր, որոշ տառեր էլ ծածկվել են։ Երկնաքերի շինարարությունն Ադրբեջանի մայրաքաղաքում ավարտվել է 2015թ.: Ադրբեջանում Թրամփի բզինես ընկերոջը մոտ կանգնած աղբյուրն անցած ամիս հայտարարել էր, որ հյուրանոցը շուտով կբացվի։ Գործակալության փոխանցմամբ՝ Թրամփի ֆինանսական կարողության մասին փաստաթղթերը ցույց են տալիս, որ նորընտիր նախագահը վերջին երկու տարիների ընթացքում 2,8 միլիոն դոլարի եկամուտ է ունեցել Ադրբեջանից՝ կապված 33 հարկանի հյուրանոցի հետ, որը դեռևս չի բացվել:
Ավելի վաղ հաղորդել էինք այն մասին, որ ԱՄՆ նորընտիր նախագահ Դոնալդ Թրամփի Trump Organization ընկերությունը այսպես կոչված, «housecleaning»-ի (տան մաքրման աշխատանքներ) շրջանակում խզել է պայմանագրերն Ադրբեջանի, Վրաստանի և Բրազիլիայի հետ։ Չեղարկված նախագծում Թրամփի գործընկերն էր Ադրբեջանի տրանսպորտի նախարարի որդին՝ Անար Մամադովը, որը մեղադրվում է փողերի լվացման համար:
