Ավելի քան 20 ամերիկացի քաղաքական գործիչներ ԱՄՆ նորընտիր նախագահ Դոնալդ Թրամփին խորհուրդ են տվել առանց հետաձգելու բաելավել հարաբերությունները Իրանի ընդդիմության հետ։ Ինչպես հաղորդում է Fox News հեռուստաալիքը, համպատասխան նամակն ուղարկվել է պետության ապագա ղեկավարին։
Նամակի հեղինակների թվում է Նյու Յորքի նախկին քաղաքապետ Ռուդոլֆ Ջուլիանին, Կոնգրեսի նախկին սենատոր Ջոզեֆ Լիբերմանը, ԱՄՆ ԶՈՒ շտաբերի հրամանատարների կոմիտեի նախագահ Հյու Շելթոնը։ «Իրանի ղեկավարները թիրախավորվել են ԱՄՆ ռազմավարական շահերի, քաղաքականության և սկզբունքների, ինչպես նաև երկրի դաշնակիցների և Մերձավոր Արևելքում բարեկամների դեմ։ Որպեսզի աշխարհում վերականգնվի Ամերիկայի հանդեպ վտահությունը և ազդեցությունը, Միցայալ Նահանգները պետք է վերանայի իր քաղաքականությունն այս տարածաշրջանում»,-մեջբերում է հեռուստաալիքը նամակից մի հատված։
Հեռուստաալիքի հաղորդմամբ՝ ուղերձի հեղինակներն առաջարկել են Թրամփին հունվարի 20-ի երդմնակալության արարողությունից հետո սեղմ ժամկետներում խորհրդակցություններ անցկացնել Իրանի դիմադրության ազգային խորհրդի հետ (National Council of Resistance of Iran, NCRI), որը տեղակայված է Փարիզում։ Թրամփի անցումային թիմը դեռևս պաշտոնապես չի պատասխանել ուղերձին, որը ստորագրվել է ԱՄՆ 23 քաղաքական գործիչների կողմից։
