Երեկ երեկոյան և այսօր գիշեր ՆԱՏՕ-ի ռազմական ինքնաթիռները ռմբակոծության են ենթարկել Լիբիայի մայրաքաղաք Տրիպոլին, որտեղ գտնվում է Մուամար Քադաֆիի նստավայրը: Այս մասին հաղորդում է France Presse գործակալությունը:
Այս ռմբակոծությունից հետո Լիբիայի պետական լրատվամիջոցները հաղորդել են 19 զոհի մասին, ինչը սակայն այլ աղբյուրների միջոցով հնարավոր չի եղել ճշտել:
ՆԱՏՕ-ի ինքնաթիռները պարբերաբար ռմբակոծում են Լիբիայի առաջնորդի նստավայրերը` հույս ունենալով, որ մի օր դա արդյունավետ կլինի, թեպետ պաշտոնական մակարդակով Արևմտյան երկրները հայտարարում են, որ Քադաֆին իրենց ռմբակոծությունների թիրախը չի համարվում, և որ իրենց նպատակն է ենթակառուցվածքների ոչնչացումը:
