2013 թ. հուլիսին Բելգիայում ավելի քան 610 հազար կամ երկրի աշխատունակ բնակչության 9 %-ը գործազուրկ է եղել: Ինչպես հաղորդում է RIA Novosti-ն, նման տվյալներ է ներկայացրել Բելգիայի Ազգային բանկը:
Տեղի ԶԼՄ-ներն ընդգծում են, որ վերջին ութ տարիներին Բելգիայում գործազուրկների թիվը չի գերազանցել 600 հազարը:
Հուլիսին գործազրկության մակարդակի աճը փորձագետները կապում են սեզոնային գործոնի հետ. ամռանն ավելի շատ թվով մարդիկ են գրանցվում աշխատանք գտնելու համար, ինչը կապված է այն հանգամանքի հետ, որ այս ժամանակահատվածում ձեռնարկությունները կրճատում են աշխատակիցների թիվը, որոնք աշխատում են ոչ լրիվ աշխատանքային օր:
Վերլուծաբանների կարծիքով՝ ազդում է նաև այն փաստը, որ Բելգիայում ակտիվ բնակչությունն ավելի արագ է աճում, քան աշխատատեղերը: Փորձագիտական կանխատեսման համաձայն՝ 2014 թ. Բելգիայում կնշմարվի գործազուրկների թվի աննշան աճ՝ ընթացիկ տարվա համեմատ:
